السلام عليكم ورحمه الله وبركاته

موضوعي اليوم مختلف شوي،،

n14.jpg
kotce8.jpg

منو مايحب يطلع؟
منو مايحب يشوف الدنيا؟
ليش البنت الي دايما تحب تطلع وتستانس ،، يقولون لها ليش انتي كله هايته مسكي ارضج او انثبري بالبيت؟

mnshrvt1.jpg

ليش بس الصبيان عاااااااادي يطلعون بكل مكان والبنات يقولون لهم لو رحتو المطعم الفلاني او السوق الفلاني وشافكم احد راح ياخذ فكره عنكم؟
ليش البنت المراهقه اذا قعدت بين حريم كبار بالعمر وسولفت انها طلعت وراحت المكان هذا وتمشت بهذاك السوق وان كل مافتح شي يديد تروحله ،، ياخذون عنها فكره ان ماعندها احد يوجهها لان البنت مايصير تطلع كل يوم؟

mrinacrisntrs5.jpg

انا عن نفسي احب اطلع ويوم الخميس والجمعه بالذات لو شنو فيني لو حرارتي مرتفعه واحس بتعب ،،، مايهمني اطلع يعني اطلع

soqsharqeg7.jpg


احس الي تنتقدني بس لاني اطلع دايما هذي وحده محرومه من الطلعات الا بايام معينه وبسرعه بسرعه وترد البيت
وين العيب او الغلط لما يقولون لي الناس انتي ماتقعدين بالبيت كله طالعه

اتمنى الكل يشارك ويقولي رايه بالموضوع

اسمحيلي


اكيد بيقولون جذي لان البنت يتمنى اي شخص بالعام انها تكون موجوده مع اهلها
مو كل يوم بمكان اذا كانت جذي فهذا معناه انها خلاص ممكن تتقبل اي شي من برى اسلوب عادات

بس هذا ما يمنع انها تطلع وترفه عن نفسه
اكيد لازم تطلع لان الكبت يولد الانفجار
وانتي طريقتج صح يوم بالاسبوع شي حلو
بس مو كل اسبوع




اسمحيلي على الاطاله وادري ثقلت عليج بالكلام
بس هذا رايي



يعطيج العافيه ع النقاش الحلو


تسلم ايدج


و
تقبلي مروري

mar86

شوفي الكل يحب يطالع الكل يحب يتمشي بس للبنات بدين اسم البنت اسمهاا عــار

مو نفس الشاب مايعيبه شي يعني حتي لو يطلع ويدش ماينخااف عليه

البنت لمن تطلع في ناس اتضايقهاا بسووق او بيصير فيهاا شي وماتعرف اتصرف

يعني في بعض البنات ماتعرف اتصرف تلاقينهاا ماتدري اي صووب ترووح

وبعدين مايمنع ان الواحد مايطلع بس في طلعت لهاا اياام مناسبه


الله يعطيج العافيه علي المووضووع

وهذا تعليقي علي الموضووع

تقبلي مروري

مرحبا يالدبه

اشكرتس على النقاش

والاجوبه على اسالتس


هي


منو مايحب يطلع؟


بصراحه عن نفسي ما احب الطلعات وخاصه الى المجمعاات وخاصه لو كانت مالها


منو مايحب يشوف الدنيا؟


بالزمن هذا ما يمديت تطلع اي محل الا وتحصل لك مشكله



ليش البنت الي دايما تحب تطلع وتستانس ،، يقولون لها ليش انتي كله هايته مسكي ارضج او انثبري بالبيت؟


لانه البنت لديها الطلعه من الاشياء الممنوعه وانتي تعرفين انه الممنوع مرغوب لدى الانسان....لانه الفتاه من طبيعتها تكون ربه منزل وليست ربه طلعات



ليش بس الصبيان عاااااااادي يطلعون بكل مكان والبنات يقولون لهم لو رحتو المطعم الفلاني او السوق الفلاني وشافكم احد راح ياخذ فكره عنكم؟


لانه الرجل لا يعيبه شي ....ولاكن الفتاه اي كلمه قد تعيبها طول العمر


ليش البنت المراهقه اذا قعدت بين حريم كبار بالعمر وسولفت انها طلعت وراحت المكان هذا وتمشت بهذاك السوق وان كل مافتح شي يديد تروحله ،، ياخذون عنها فكره ان ماعندها احد يوجهها لان البنت مايصير تطلع كل يوم؟



لانه البنت المراهقه تفكيرها لا يأتي على تفكير الحريم الكبار بالسن وغير كذا الحاجات اللي تربو عليها وتعودو عليها مو نفس البنات بهذا الجيل


انا عن نفسي احب اطلع ويوم الخميس والجمعه بالذات لو شنو فيني لو حرارتي مرتفعه واحس بتعب ،،، مايهمني اطلع يعني اطلع


هههههههههه الله يصلحتس ان شاء الله ويهديتس




احس الي تنتقدني بس لاني اطلع دايما هذي وحده محرومه من الطلعات الا بايام معينه وبسرعه بسرعه وترد البيت
وين العيب او الغلط لما يقولون لي الناس انتي ماتقعدين بالبيت كله طالعه



العيب يالدبه انه البنت مسماها بالاصل مربيه اجيال وربه بيت





واشكرتس يالغلا مره ثانيه على النقاش ويعطيتس العافيه ولاهنتي





وتقبلي مروووري الثقيل:>:>

اي صح مافي احد ما يحب يطلع وشي قديم كلمه " الريال ما يعيبه شي "

بصرااحه انا ودي يطلع قرار يسوون ديوانيه للبنات بعد ههههههههه

وكلمه هاايته واايد اسمعها بصراحه وتفكير النااس للحين قديم

ومتحجر مو راضيين يفهمون ان الدنيا تغيرت مافي شي اسمه البيت احسلها وخل تقعد يباا شخبااري

وثاانكس على الموضووع

ياهلا اكس منور الموضوع

ما ادري اذا البنت من طلعاتها تكتسب عادات غير ،، لا ماراح تكتسب غير الوناسه وتشم هواا ههههههههههه

لاكن اتفق معاك ان البنات الحين من كثر مايبون يغيرون بستايلهم بكل طلعه صاره ملابسهم وتسريحاتهم حتى احجاباتهم غريبه

لاكن حتى انتم الرياييل بعد اكتسبتو اشياء غريبه خااااااااصه الي
يلبسون جنزات(( لو ويست)) او الي يلبسون تيشيرتات قصيره وبنطرون ضييييق مايقدر يمشي فيه وغيره شكثر بعد اشياء غريبه اكتسبوها وصارو يسونها

شاكره مشاركتك اخوي تحدوه

بس عندي ملاحظه على جملتك:

{{شوفي الكل يحب يطالع الكل يحب يتمشي بس للبنات بعدين اسم البنت اسمهاا عــار }}}

اعتقد مايجوز تقول جذي ،، يعني الحين الي تكون اول خلفته بنت مايقول الربعه شسم بنته ماينادونه يابو فاطمه او ابو ساره ،، لو كان اسم بنته عار كان محد سمح لحد يناديه ابو فلانه

ثم احنا نرتقي عن العادات الجاهليه قبل كانو يؤدون البنات والحين نقول عن اساميهم عار

احنا مثلنا الاعلى الرسول عليه الصلاه والسلام منو مايعرف اسامي زوجات الرسول او منو يجهل اسامي بنات الرسول كانت لهم مكانتهم وكانو الصحابه يستشيرون زوجات الرسول في الماضي

والحين الي تيله بنت اول شي يفكر فيه يسمي على احدى زوجات الرسول صلى الله عليه وسلم او بناته << بعمر البنات ماكنو عار

الي يربي بناته احسن تربيه يدخل فيهم الجنه وهذا حديث عن الرسول بس مو ذاكرته الحين

هذي وجهة نظرك او انا حبيت اتناقش معاك فيها